Hałoŭny trenier zbornaj Hruzii pa samba Arčył Čochieli byŭ siarod śpiecnazaŭcaŭ, jakija zahinuli ŭ sieradu ŭ chodzie apieracyi pa abiasškodžvańni bajevikoŭ z Dahiestana.
41-hadovy major Čochieli źjaŭlaŭsia dvuchrazovym čempijonam śvietu pa samba i šmatrazovym pryzioram pieršynstvaŭ Jeŭropy.
Jon słužyŭ u śpiecnazie i paralelna treniravaŭ spartsmienaŭ, niadaŭna staŭšy hałoŭnym trenieram nacyjanalnaj zbornaj Hruzii pa samba.
Čochieli rychtavaŭsia adpravicca razam z hrupaj spartsmienaŭ u Maskvu na turnir, ale z-za słužby ŭ hruzinskim śpiecnazie mieŭ prablemy z atrymańniem rasijskaj vizy.
Jak raspaviali svajaki zahinułaha, pra śmierć Čochieli jany daviedalisia z navin. «My šukali jaho z ranicy, ale telefon u jaho byŭ adklučany», - skazaŭ pradstaŭnik siamji zahinułaha.
Jak paviedamlaje «Hruzija Online», u chodzie śpiecapieracyi zahinuli dva supracoŭniki śpiecnaza i doktar Minabarony Hruzii. Byli źniščany prynamsi 11 bajevikoŭ.
0
0
0
0
0
0