Fłeš‑mob suprać budaŭnictva ŭ Biełarusi atamnaj elektrastancyi biez hramadskaha abmierkavańnia prajšoŭ u Minsku ŭviečaram 9 krasavika.
U 19.30 pryblizna 10 maładych ludziej sabralisia kala budynka Biełdziaržcyrka, nadzieli reśpiratary i paviazki sa znakam radyjacyjnaj niebiaśpieki. Jany trymali raściažku «Biełaruś — biez AES!».
Praź niekalki chvilin udzielniki akcyi zharnuli raściažku i prajšli da płoščy Pieramohi, dzie razdali minakam kala 200 ulotak.
Pad zahałoŭkam «Biez AES!» u ich pryvodziacca vykazvańni ŭ suviazi z budaŭnictvam atamnaj elektrastancyi ambasadara Francyi ŭ Biełarusi Mirej Miuso, dyrektara Respublikanskaha navukova‑praktyčnaha centra radyjacyjnaj miedycyny i ekałohii čałavieka Eleanory Kapitonavaj, člena‑karespandenta Nacyjanalnaj akademii navuk Ivana Nikitčanki, doktara techničnych navuk prafiesara Ryhora Lepina. Akcyja zaviaršyłasia biez zatrymańniaŭ.