«Ružanskaja brama» — śviata pieradvybarčaje 1

15 vieraśnia, akurat u dzień praviadzieńnia respublikanskaha śviata «Dažynki-2012», u haradskim pasiołku Ružany Pružanskaha rajonu na terytoryi pałacu Sapiehaŭ adbudziecca śviata «Ružanskaja brama».

Moža i dobra, što źjaviłasia alternatyva «Dažynkam», bo, miarkujučy pa ŭsim, u Horkach budzie ŭsio aceplena z-za mieraŭ biaśpieki prezidenta, nahoniać aŭtazakaŭ i nie daduć ludziam atrymać asałodu ad śviata.

Ź inšaha boku, data śviata abranaja vielmi dziŭnym čynam. Bo pieršy fiestyval «Ružanskaja brama», jaki zapomniŭsia vystavaj majstra Tarasiuka, byŭ praviedzieny ciopłym dniom 4 červienia 2011, a ŭ hetym hodzie śviata było vyrašana pieranieści na bolš chałodny vierasień.

Mahčyma, heta źviazana ź biełaruskaj tradycyjaj pravodzić masavyja kancerty kštałtu «Za proćvietajuŝuju Biełaruś!» za tydzień da vybaraŭ. Bo, jak viadoma, kiraŭnik hałoŭnaha sponsara śviata, Pružanskaha rajvykankama, Alaksandr Jurkievič u hetym hodzie bałatujecca ŭ deputaty pa Pružanskaj vybarčaj akruzie.

0

0

0

0

0

0

dasłaŭ čytač Ryhor

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH