Nastupny vystup u Kalifornii.
Kancert viadomaha biełaruskaha rok‑muzykanta Lavona Volskaha ŭ bruklinskim kłubie «Kruk» (Ńju‑Jork) sabraŭ kala 200 pradstaŭnikoŭ biełaruskaj dyjaspary z roznych amierykanskich štataŭ. Vystupleńnie adbyłosia viečaram 9 krasavika i było arhanizavana hramadskaj arhanizacyjaj «Biełaruska‑amierykanskaje zadzinočańnie». Udzieł u kancercie taksama ŭziali dva miascovyja biełaruskamoŭnyja rok‑kalektyvy.
Paśla vystupleńnia Ł.Volski ŭ intervju BiełaPAN vykazaŭ dumku, što takija mierapryjemstvy patrebnyja biełaruskaj dyjaspary. Hetyja kancerty, pavodle jaho słoŭ, nahadvajuć biełarusam, jakija žyvuć za miažoj, što jany źjaŭlajucca častkaj Biełarusi i mohuć prynieści joj karyść. Muzykant skazaŭ, što byŭ kranuty pryjomam, jaki jamu akazali ŭ Ńju‑Jorku.
Na dumku arhanizataraŭ i słuchačoŭ, kancert u bruklinskim kłubie atrymaŭsia pa‑sapraŭdnamu cikavym, całkam apraŭdaŭšy čakańni prysutnych. 13 krasavika Ł.Volski vystupić z solnym akustyčnym kancertam u horadzie Łahuna Bič (Kalifornija).
U bližejšych płanach arhanizataraŭ — pryvieźci ŭ ZŠA hurt «N.R.M.» u poŭnym składzie, a paśla, mahčyma, i inšyja biełaruskija rok‑kalektyvy.
