Premjer‑ministar Ukrainy Viktar Janukovič i kolišni prezydent Polščy Alaksandar Kvaśnieŭski abmierkavali palityčnuju sytuacyju va Ŭkrainie.
Eks‑prezydent Polščy prylacieŭ u Kijeŭ siońnia ŭnačy, kab dapamahčy raźviazać palityčnuju kryzu va Ŭkrainie. U Kvaśnieŭskaha taksama zaplanavanyja sustrečy ź Juščankam, Cimašenkaj i, mahčyma, Marozam. Pra hatovaść dałučycca da ŭrehulavańnia ŭkrainskaj kryzy ziavili kalehi Viktara Juščanki — kiraŭniki Litvy i Polščy.
Siońnia ŭ Kijevie taksama znachodzicca vice‑prezydent Eŭrapiejskaha parlamentu Marek Siviec. Jon sustrakajecca z ukrainskimi palitykami. Adryjan Severyn, kiraŭnik delehacyi Eŭraparlamentu, zajaviŭ, što Eŭraparlament hatovy nakiravać va Ŭkrainu svaich deputataŭ dla vyrašeńnia palityčnaha supraćstajańnia.
Ministar zamiežnych spraŭ Ukrainy tym časam u Strasburhu raspaviadzie eŭrapiejskim vysokapastaŭlenym čynoŭnikam pra ukrainskija spravy. Pavodle infarmacyi prezydenckaj kancylaryi, ministar daniasie aficyjnuju pazycyju Ŭkrainy, hałoŭnaja teza jakoj — «vyrašeńnie kryzy maje adbyvacca ŭ kanstytucyjnym poli vyklučna mirnymi srodkami praz dyjaloh jak pa linii prezydent — premjer, tak i pa linii ŭsich hałoŭnych palityčnych sił».
