Pra heta paviedamiŭ staršynia Śledčaha kamiteta Valeryj Vakulčyk.
Jon adznačyŭ, što sabranyja dokazy, jakija paćviardžajuć fakt arhanizacyi byłymi kiraŭnikami Połackaha harvykankama Tačyłam i Połackaha rajvykankama Palidaŭcom, a taksama ich namieśnikami Kuksavym i Jermakovič u 2009 hodzie niezakonnaha vydzialeńnia dla siabie i svaich blizkich ziamielnych učastkaŭ u Połacku ŭ zonie achoŭvanaha łandšaftu, na terytoryi, prylehłaj da Spasa-Jefrasińnieŭskaha žanočaha manastyra, dla indyvidualnaha budaŭnictva.
Abvinavačvańni vystaŭlenyja čaćviarym asobam pa č.2 art.344 «Naŭmysnaje źniščeńnie abo paškodžańnie historyka-kulturnych kaštoŭnaściaŭ abo materyjalnych abjektaŭ, jakim moža być prysvojeny status historyka-kulturnych kaštoŭnaściaŭ» i č.3 art.424 «Złoŭžyvańnie ŭładaj abo słužbovymi paŭnamoctvami». «U chodzie śledstva škoda ad niezakonnaj dziejnaści pieraličanych słužbovych asob pakrytaja ŭ poŭnym abjomie», — skazaŭ Valeryj Vakulčyk.
Uładzimir Tačyła byŭ zaklučany pad vartu 21 maja hetaha hoda.
