Minski cyrk adkryvaje novy siezon: ceny na kvitki — da 300 tys. 1
Žychary i hości biełaruskaj stalicy ŭžo zaŭtra zmohuć ubačyć u Biełdziaržcyrku novuju prahramu «Cyrk praciahvaje ździŭlać!».
Naviednikam abiacajuć sustreču z dresiravanymi žyviołami, vidoviščnyja pavietranyja numary, ispanskaha błazna i amierykanskaha žanhlora.
Hałoŭny režysior Biełdziaržcyrka Sierž Bandarčuk raskazaŭ na pres-kanfierencyi, što ŭ prahramie niama nivodnaha numaru, jaki b nie ździviŭ. «Ja hladzieŭ užo amal usio ŭžyvuju — usie šedeŭry. Atmaśfiera budzie konkursnaj, navat dla artystaŭ. Kab jany mieli stymuł pakazać pikavuju svaju formu», — padkreśliŭ jon.
Adznačym, što ceny na kvitki ŭ minski cyrk pačynajucca ad 30 tys. rubloŭ (vierchnija šerahi dvuch siektaraŭ) i dasiahajuć 300 tys. (VIP-łoža). Kožny darosły moža biaspłatna pryvieści dzicia da troch hadoŭ. Adnak u cyrku asabliva padkreślivajuć — na takich dziaciej patrebnyja dakumienty, jakija paćviardžajuć datu naradžeńnia.
Akramia taho, asobna realizujucca kvitki pa 25 tys. rubloŭ: dla dziaciej-sirot, dziaciej, jakija zastalisia biez apieki baćkoŭ, dziaciej-invalidaŭ, sa šmatdzietnych i małazabiaśpiečanych siemjaŭ, vieteranaŭ Vialikaj Ajčynnaj vajny, vieteranaŭ pracy i voinaŭ-internacyjanalistaŭ (pry ŭmovie pradjaŭleńnia dakumienta, jaki daje pravy na lhotu).
