Mužčyna, jaki napaŭ na prezidenta Čechii z cacačnym pistaletam, vyzvaleny 4

U Čechii na svabodu adpuščany Pavieł Ondroŭš, jaki ŭ piatnicu z płastmasavym pistaletam ździejśniŭ «zamach» na prezidenta Vacłava Kłaŭsa. Ab hetym paviedamlaje ITAR-TASS, spasyłajučysia na pradstaŭnika češskaj palicyi.

Raniej paviedamlałasia, što 26-hadovamu Ondroŭšu, jaki padčas uračystaha adkryćcia mosta ŭ horadzie Chrastava bieśpieraškodna nabliziŭsia da prezidenta, prystaviŭ da jaho pravaha boku płastmasavy pistalet i niekalki razoŭ nacisnuŭ na spusk, pahražaje da dvuch hadoŭ turmy za chulihanstva.

Napiaredadni načalnik prezidenckaj achovy Iržy Sklenka padaŭ u adstaŭku ŭ suviazi z tym, što achoŭniki Kłaŭsa padčas incydentu paviali siabie «aburalna nieprafiesijna». Na kadrach, źniatych apierataram češskaha telekanała «Pryma», vidać, što najbližejšy achoŭnik staić zzadu prezidenta i navat nie bačyć, jak nieznajomiec prystaŭlaje zbroju da boku prezidenta. Pra imitacyju zamachu jon daviedajecca tolki ad samoha Kłaŭsa, jaki paviartajecca ŭ jaho bok i kaža pra toje, što zdaryłasia.

0

0

0

0

0

0