Fota z sajta Biełaruskaj redakcyi radyjo Vatykana.
Sustreča adbyłasia ŭ časie ahulnaj aŭdyjencyi ŭ Vatykanie 3 kastryčnika. Padčas sustrečy Papa pacikaviŭsia apošnimi padziejami ŭ krainie i dasłaŭ śpiecyjalnaje błasłaŭleńnie dla katolikaŭ Biełarusi i ŭsiaho biełaruskaha naroda, paviedamlaje
Niadaŭniaja viestka pra sustrečy apostalskaha nuncyja ŭ Biełarusi arcybiskupa Kłaŭdyjo Hudžeroci z palitviaźniami dała nadzieju, što Katalickaja carkva stała pasiarednicaj i heta moža pryvieści da vyzvaleńnia viaźniaŭ sumleńnia.
Na sajcie radyjo Vatykana niadaŭna źjaviłasia nastupnaje paviedamleńnie:«Na znak pavahi da ŭniviersalnaha maralnaha aŭtarytetu Śviatoha Ajca i humanitarnych namahańniaŭ Śviatoha Pasadu, u ramkach dvuchbakovych dypłamatyčnych adnosin, papskamu pradstaŭniku ŭ Minsku,
arcybiskupu Kłaŭdyjo Hudžeroci, było dazvolena naviedać niekatorych źniavolenych u turmach Biełarusi. Havorka idzie pra Kavalenku, Syramołatava, Statkieviča, Bialackaha, Daškieviča, Łobava i Sieviarynca. Apostalski nuncyj sustreŭsia z kožnym z hetych źniavolenych u miescach pazbaŭleńnia voli, daviedaŭsia pra ichny stan i vysłuchaŭ ich. Jon pieradaŭ im malitvy Śviatoha Ajca i katalikoŭ za ich i ich siemji».
Jak viadoma, palitviaźni Siarhiej Kavalenka i anarchist Syramołataŭ vyjšli na svabodu praz peŭny čas paśla padpisańnia prašeńniaŭ ab pamiłavańni. Mienavita jany ŭvachodzili ŭ śpis naviedanych apostalskim nuncyjem.
Paśla vychadu na svabodu Kavalenki ŭsiaho ŭ turmach Biełarusi ciapier zastajecca 13 palitźniavolenych. Jašče značnaja hrupa ludziej majuć umoŭnyja terminy abo abmiežavany ŭ pravach paśla źniavoleńnia.
Papa Bieniedykt XVI prymaŭ Alaksandra Łukašenku ŭ 2009 hodzie ŭ Vatykanie. Heta byŭ pieršy zachodni vizit kiraŭnika Biełarusi paśla doŭhaha pieryjadu ihnaravańnia jaho jeŭrapiejskaj supolnaściu za parušeńni pravoŭ čałavieka i normaŭ prystojnaści.
