Kniha składajecca z raździełaŭ: «Seksualnyja adnosiny», «Što robiać darosłyja, kali zajmajucca kachańniem», «Zajmacca kachańniem i začać dzicia — heta adno i toje ž», «Śpiermatazoid», «Ad jajka da embryjona», «Homaseksualizm», «Kachańnie z samim saboj». Pry hetym baćki dadajuć da hetaha śpisu jašče temu piedafilii i zhvałtavańniaŭ.
Adnak piśmieńnica, jakaja zładziła dziciačuju «seksualnuju revalucyju», zajaviła, što vypuściła knihu, dzie nie bačyć ničoha kryminalnaha.«Seksualnyja adnosiny — heta nie tolki połavy akt. Heta pietynh, heta abdymki, heta pacałunki», — skazała Fadziejeva, pryznaŭšysia, adnak, što sama ŭ junactvie abyšłasia biez takoha dapamožnika: «Mnie było ŭžo 18 hadoŭ, i ja nie viedała bolšaj častki infarmacyi, pra jakuju ja napisała».
Nieŭzabavie paśla pačatku skandału reštki nakładu knihi było vyrašana źniščyć. A vydaviectva «AST», jakoje vypuściła eratyčnuju knižku, užo pryznałasia, što paharačyłasia. «Kiraŭnictva vydaviectva ŭ adpaviednaści z novym fiederalnym zakonam pryniało rašeńnie spynić dadrukoŭku knihi Valeryi Fadziejevaj „Jak staleje majo cieła“, vypuščanaj u 2011 hodzie. Taksama z etyčnych mierkavańniaŭ my vyrašyli adklikać z kramaŭ i źniščyć reštki nakładu», — patłumačyła pradstaŭnik kampanii Śviatłana Sakałova.