Rok‑hurt 4FUN pačaŭ vystupać pad hetaj nazvaj u 2001 hodzie, chacia sceničny vopyt śpiavački i liderki hurtu Julii Rytčyk — amal 13 hadoŭ. Hurt vystupaje ŭ klubach žyvoj muzyki i na roznych muzyčnych festyvalach ŭ Litvie i susiednich ź joj dziaržavach.
U repertuary hurtu raznastajnaja pavodle stylu muzyka — ad rok‑n‑rołu da dyska. U Julii Rytčyk dźvie vyšejšyja adukacyi — prahramistka i vykładčyca anhielskaj movy. Jana ŭžo 11 hadoŭ pracuje nastaŭnicaj anhielskaj movy ŭ siaredniaj škole.
Sioleta 4FUN ŭdzielničaŭ ŭ nacyjanalnym litoŭskim adbory na konkurs Eŭrabačańnia ŭžo treci raz. Chacia ŭ Litvie hurt viadomy bolš amataram žyvoj, čym prychilnikam pop‑muzyki, prapanavanaja liryčnaja balada «Love or Leave» («Kachaj albo sychodź», muzyka i tekst Ju. Rytčyk) zavajavała bolšaść sympatyj jak siabroŭ prafesijnaha žury, tak i telehledačoŭ.
Unikalnaje ŭ Litvie proźvišča Rytčyk dastałasia Julii ad pieršaha muža Dźmitryja Rytčyka, dzied jakoha byŭ biełarusam.
