Jaho padrychtavaŭ žurnalist Amos Robierts, zatrymany ŭ minskim aeraporcie, kali jon pakidaŭ Biełaruś. Tady ŭ jaho byli kanfiskavanyja noŭtbuk i fota- i videatechnika. Jak vyjaviłasia, padazreńni vyklikaŭ maleńki plušavy miadźviedzik, jakoha znajšli ŭ jaho ŭ sumcy.
Niahledziačy na namahańni biełaruskich śpiecsłužbaŭ, źniaty materyjał udałosia zachavać.U
Jak i varta było čakać, najbolšaje ździŭleńnie ŭ aŭstralijskaha žurnalista vyklikała reakcyja ŭładaŭ na «plušavy desant». U filmie havorycca pra aryšty paśla akcyi šviedskich piłotaŭ. Žurnalist raskazvaje historyi Antona Surapina, jaki pravioŭ bolš za miesiac u turmie KDB za toje, što apublikavaŭ zdymki plušavych miadźviedziaŭ, i Julii Daraškievič, zatrymanaj za toje, što jana fatahrafavałasia z cackami.
Asablivaja ŭvaha nadadzienaja apisańniu atmaśfiery ŭ Biełarusi napiaredadni parłamienckich «vybaraŭ» — aryštam moładzievych aktyvistaŭ, pieraśledu ŚMI i pravaabaroncaŭ. Tak, žurnalistu ŭdałosia pabyvać na sudovym pracesie nad Paŭłam Vinahradavym i pahavaryć ź im pra situacyju ŭ krainie.
Amos Robierts dzielicca i ŭłasnymi ŭražańniami pra pajezdku ŭ Biełaruś: «Z Łukašenki śmiajucca ŭsie, akramia jaho samoha. Jon nienavidzić być abjektam naśmiešak».Žurnalist kaža, što lubaja krytyka ŭładaŭ u krainie zabaronienaja, a apanienty režymu padviarhajucca pastajannaj niebiaśpiecy trapić u turmu. Ale, jak adznačaje jon u svaim błohu, vonkava žorstki režym uraźlivy, što pakazała nie tolki akcyja šviedskich piłotaŭ, ale i toje, što, niahledziačy na namahańni śpiecsłužbaŭ, žurnalistu biez prablem udałosia vyratavać źniaty materyjał i padrychtavać siužet.
