Radasłaŭ Sikorski sustreŭsia z delehacyjaj nie pryznavanaha ŭładami Sajuza palakaŭ 2

Ministr zamiežnych spraŭ Polščy Radosłaŭ Sikorski 24 kastryčnika ŭ Varšavie sustreŭsia ź vialikaj delehacyjaj nie pryznanaha biełaruskimi ŭładami Sajuza palakaŭ.

Pavodle infarmacyi pres-słužby źniešniepalityčnaha viedamstva, lidar SPB Anžalika Arechva zajaviła, što biez padtrymki polskaha ŭrada i MZS było b ciažka ažyćciaŭlać dziejnaść «va ŭmovach biezzakońnia». «Dziakujučy takim stanoŭčym krokam nam udałosia vyžyć», — skazała jana.

Sikorski zapeŭniŭ delehacyju SPB u pastajannaj padtrymcy palakaŭ u Biełarusi z boku jaho viedamstva.

«Polšča — heta kraina, jakaja najbolš enierhična ŭ ES imkniecca da jeŭrapieizacyi i demakratyzacyi Biełarusi. My ź`iaŭlajemsia taksama krainaj, jakaja najbolš ščodra padtrymlivaje jak svaich suajčyńnikaŭ, hetak i tych, chto imkniecca da stvareńnia hramadzianskaj supolnaści ŭ Biełarusi», — zajaviŭ ministr.

U sustrečy brali ŭdzieł 45 čałaviek, u tym liku kiraŭniki rehijanalnych adździaleńniaŭ SPB u Minsku, Breście, Iviancy, Vaŭkavysku.

Temy hutarak — supracoŭnictva MZS z SPB, u tym liku raźmierkavańnie srodkaŭ MZS na padtrymku dyjaspary i palakaŭ za miažoj, zachavańnie miescaŭ nacyjanalnaj pamiaci, adukacyja moładzi i raźvićcio polskamoŭnych ŚMI.

Sikorski źviarnuŭsia da žurnalistaŭ z zaklikam da adkaznaści pry aśviatleńni situacyi vakoł polskaj mienšaści ŭ Biełarusi.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH