Chłopiec začapiŭsia za vahon i prajechaŭ pamiž stancyjami minskaha mietro — videa 8

Mocna ścisnuŭšy poručań, chłopiec razam ź ciahnikom źnikaje ŭ tuneli ŭ kirunku stancyi «Maładziožnaja».

Miarkujučy pa ŭsim, ekstremał nie paciarpieŭ. Praź niekatory čas jon pakinuŭ zapis na adnoj z tematyčnych staronak «Vkontaktie»: «Ja schapiŭsia za poručni chvastavoj kabiny ciahnika i ŭ chutkim časie, płaŭna nabirajučy chutkaść, za majoj śpinaj zastalisia tolki vodbliski ahnioŭ stancyi, što chavałasia za pavarotam… Ja ažyćciaviŭ pieršy začep ŭ Minskim Mietro! =) Pierahon „Puškinskaja“ — „Maładziožnaja“, prykładna 2 kiłamietry tunela i rejek i adzinaja jarka-žoŭtaja pałoska kantaktnaj rejki. Darečy, heta moj pieršy začep u žyćci! Usio prajšło na ŭra, mianty spachapilisia tolki praz 10 chvilin».

Amatary katańnia na dachach ciahnikoŭ i pamiž vahonami nazyvajuć siabie «začepierami». Ryzyka atrymać śmiarotny razrad u niekalki tysiač volt abo trapić pad koły ich nie spyniaje.

U Biełarusi hety ruch nie atrymaŭ takoha šyrokaha raspaŭsiudu, jak u Rasii, dzie rehularna adbyvajucca niaščasnyja vypadki na čyhuncy i ŭ mietro. U vieraśni hetaha hoda 16-hadovy padletak raźbiŭsia naśmierć, sarvaŭšysia z dachu ciahnika mietro ŭ Sankt-Pieciarburhu. U traŭni padobny vypadak adbyŭsia ŭ Maskvie — 18-hadovy chłopiec kataŭsia na sčepcy vahona, zvaliŭsia na rejki i zahinuŭ.

Kab ekstremały nia čaplalisia za ciahniki, na budavanych stancyjach maskoŭskaha mietro płanujuć ŭstaloŭvać prazrystyja aharodžy, jakija raździalajuć płatformu i rejki. Achoŭnyja ekrany taksama źviaduć na ništo sproby suicydu. Takija aharodžy źbirajucca ŭstalavać i ŭ Minsku — na stancyjach prajektavanaj treciaj linii mietro.

realt.onliner.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH