Načalnik centra infarmacyi i hramadskich suviaziaŭ KDB Biełarusi Alaksandr Antanovič zajaviŭ, što KDB nie zatrymlivaŭ rasijskaha advakata Maksima Karatkova-Hulajeva, jaki abaraniaje fihurantaŭ «bałotnaj spravy».
U rasijskim pasolstvie ŭ Minsku skazali, što viedajuć pra zatrymańnie z paviedamleńniaŭ ŚMI.
«Ciapier naša konsulskaja słužba praviaraje infarmacyju — ci byŭ fakt zatrymańnia. Pakul niejkaj infarmacyi ŭ nas niama. My zrabili zapyt u Ministerstva zamiežnych spraŭ, ale adkazu pakul niama», — paviedamili ŭ pasolstvie.
Raniej kalehi advakata paviedamili žurnalistam, što Maksim Karatkoŭ-Hulajeŭ, advakat adnaho ź fihurantaŭ spravy ab masavych biesparadkach na Bałotnaj płoščy ŭ Maskvie 6 maja, zatrymany biełaruskimi śpiecsłužbami ŭ Minsku i ŭ jaho skanfiskavali vialikuju sumu hrošaj.
Maksim Karatkoŭ-Hulajeŭ pradstaŭlaje intaresy Rycharda Sobaleva, adnaho ź fihurantaŭ «bałotnaj spravy». Na tym tydni ŭ jaho kvatery prajšoŭ pieratrus.
0
0
0
0
0
0
