Ułady Ńju-Jorka zajavili pra kałaps transpartnaj sistemy 1

Kiraŭnik transpartnaha ŭpraŭleńnia Ńju-Jorka Džozef Lijota nazvaŭ štorm «Sendzi» najhoršaj katastrofaj u historyi transpartnaj sistemy horada.

Pa słovach Ljoty, byli zatoplenyja 7 tunelaŭ mietro pad pralivam Ist-Ryvier, jakija viaduć u Mancheten i Bruklin. Mnohija ŭčastki mietrapalitena byli abiastočanyja. Šeść aŭtobusnych parkaŭ taksama byli zalityja vadoj.

Jak paviedamlajuć miascovyja ŚMI i vidavočcy, vada zaliła šmatlikija padziemnyja parkoŭki, darožnyja tuneli, a taksama «Hraŭnd Zera» na miescy razburanych viežaŭ Suśvietnaha handlovaha centra.

Pavodle apošnich źviestak, biez elektryčnaści zastalisia 6 młn čałaviek. Kolkaść achviar «Sendzi» u ZŠA i Kanadzie da hetaha momantu składaje 13 čałaviek.

Čakajecca, što pa miery prasoŭvańnia štormu ŭhłyb krainy paryvy ​​vietru buduć słabieć.

0

0

0

0

0

0

Bi-Bi-Si

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH