Prem'jer-ministr Biełarusi Michaił Miaśnikovič naviedaje Kazachstan z aficyjnym vizitam 9–10 listapada, paviedamiŭ u paniadziełak aficyjny pradstaŭnik ministerstva zamiežnych spraŭ Kazachstana Ałtaj Abibułajeŭ.
U ramkach vizitu płanujecca sustreča z prem'jer-ministram Kazachstana Sierykam Achmietavym, a taksama padpisańnie pratakoła pa vynikach pieramoŭ kiraŭnikoŭ uradaŭ, «Pratakoła ab uniasieńni źmianieńniaŭ i dapaŭnieńniaŭ u pahadnieńnie pamiž uradam Kazachstana i ŭradam Biełarusi ab supracoŭnictvie i ŭzajemnaj dapamozie pa pytańniach vykanańnia padatkovaha zakanadaŭstva ad 22 maja 2000» i «Pahadnieńnie pamiž ministerstvam sielskaj haspadarki Respubliki Kazachstan i Ministerstvam lasnoj haspadarki Respubliki Biełaruś ab supracoŭnictvie ŭ halinie lasnoj haspadarki».
«U chodzie sustrečy baki płanujuć abmierkavać stan i pierśpiektyvy kazachstanska-biełaruskaha supracoŭnictva ŭ palityčnaj, handlova-ekanamičnaj, enierhietyčnaj i kulturna-humanitarnaj halinach, a taksama nieabchodnyja miery pa dalejšym naroščvańni ŭzajemnaha tavaraabarotu», — dadaŭ Abibułajeŭ padčas bryfinhu ŭ Astanie.
Akramia taho, pa jaho infarmacyi, kiraŭniki ŭradaŭ razhledziać pytańni supracoŭnictva ŭ ramkach rehijanalnych intehracyjnych abjadnańniaŭ SND, JeŭrAzES, Mytnaha sajuza i Adzinaj ekanamičnaj prastory.
newskaz.ru
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH