Biełaruskija biznes-asacyjacyi źviarnulisia da hramadskich orhanaŭ i abjadnańniaŭ dziaržaŭ – čalcoŭ Jeŭrapiejskaha sajuza z prapanovaj zachavać za Biełaruśsiu handlovyja ilhoty ŭ miežach Abahulnienaj sistemy prefierencyj ES.
Ad ich admieny pacierpiać u pieršuju čarhu pradpryjemstva małoha i siaredniaha biznesu, – zaznačajuć udzielniki źjezda Biznes-sajuza pradprymalnikaŭ i najmalnikaŭ, jakija padtrymali hety zvarot.
Ahienctva PRAJM-TASS paviedamlaje, što podpisy pad zvarotam pastavili taksama kiraŭniki Respublikanskaj asacyjacyi pradpryjemstvaŭ pramysłovaści, hramadskaj arhanizacyi “Minski staličny sajuz pradprymalnikaŭ i pracadaŭcaŭ”, Biełaruskaj asacyjacyi mižnarodnych aŭtamabilnych pieravozčykaŭ.
U zvarocie adznačajecca, što rašeńnie, jakoje moža ŭstupić u siłu ŭ červieni, moža pryvieści da adčuvalnaha skaračeńnia ekspartu i handlu. Heta, pa mierkavańni aŭtaraŭ zvarota, naniasie surjoznuju škodu nie tolki biełaruskamu biznesu, ale i jaho jeŭrapiejskim partnioram.
