Uviečary 25 krasavika, napiaredadni «Čarnobylskaha šlachu — 2007», da moładzievaha aktyvista z Salihorsku Alaksieja Vałabujeva zavitaŭ supracoŭnik Adździełu pa baraćbie z ekanamičnymi złačynstvami Kiecko Vadzim Valerjevič. Milicyjant biez papiaredžańnia ŭvašoŭ u niezačynienyja dźviery i nastojliva zapatrabavaŭ, kab chłopiec źjaviŭsia ŭviečary 26 krasavika ŭ milicejski pastarunak «pa datyčnym maładziona pytańni».
Nahadajem, što supracoŭniki Salihorskaha ABEZu napiaredadni Dnia Voli 25 sakavika hetaha hodu ŭžo sprabavali zatrymać chłopca. Akramia taho, tym samym adździełam adrazu paśla Dnia Voli była ździejśniena «vypadkovaja» pravierka dakumentacyi ŭ pradprymalnika i demakratyčnaha aktyvista Ŭładzimiera Šyły, zatrymanaha napiaredadni 25 sakavika i paźniej aštrafavanaha na 620 tysiač rubloŭ za abaronu svajho niepaŭnahadovaha syna Illi ad milicyjantaŭ.
