«Hazpram» vykazaŭ žadańnie pabudavać u Minsku vialiki sučasny šmatfunkcyjanalnyofisna-dziełavy kompleks. Jak paviedamiłapres-słužba Łukašenki, heta pytańnie ŭ liku inšych abmiarkoŭvałasia 22 listapada ŭ Minsku na sustrečy Alaksandra Łukašenki i staršyni praŭleńnia AAT «Hazpram» Alaksieja Milera.
Kompleks budzie ŭklučać u siabie i abjekty
Dasiahnuta damoŭlenaść ab finansavańni budaŭnictva šmatkvaternaha doma dla šmatdzietnych siemjaŭ. U supracoŭnictvie ź Minharvykankamam taksama budzie finansavacca raźviazka na praśpiekcie Niezaležnaści. «Chacieŭ by jašče adznačyć i pytańni pa aŭtavakzale, jaho rekanstrukcyi. „Hazpram“ hatovy inviestavać značnyja srodki ŭ budaŭnictva hetaha kompleksu. Ja zaraz nie budu havaryć ab paradku ličbaŭ, ale jon vielmi vialiki», — skazaŭ staršynia praŭleńnia «Hazprama».
Nahadajem, hetaj viasnoj była abnarodavana infarmacyja, što biełaruski i rasijski baki rychtujucca da padpisańnia inviestdahavora ab budaŭnictvie novaha ofisa «Hazprama» ŭ Minsku. U pryvatnaści, zhodna z sakavickim pratakołam «narady pa pytańni zaklučeńnia inviestycyjnaha dahavora z AAT «Biełtranshaz»,
miescam budaŭnictva vyšynnaha ofisa «Hazprama» moža stać terytoryja aŭtavakzała «Maskoŭski» — na pierasiačeńni praśpiekta Niezaležnaści i vulicy Filimonava.Staličnyja ŭłady tady paćvierdzili, što takaja prapanova jość, ale rašeńnie adnosna hetaha nie pryniata. Pry hetym minskija hradanačalniki zajavili, što z horadabudaŭničaha punktu hledžańnia budynak aŭtavakzała «Maskoŭski» «raźmieščany nie vielmi ŭdała», a sam aŭtavakzał zahružany ŭ lepšym vypadku na 60 pracentaŭ.
