Pakul u Talinie kipiać žarści vakoł «bronzavaha sałdata», u Miensku pa mohiłkach na vulicy Jerusalimskaj (byłaja Pierakopskaja) kładuć ciepłatrasu.
Dziela hetaha papiarednie zrezali tuzin vialikich drevaŭ (litaralna pad voknami Minpryrody!). Na hetych staraśvieckich habrejskich mohiłkach pachavanyja achviary Hałakostu. Tut mieli znajści sabie viečny spačyn ludzi nia tolki ź Biełarusi, ale j ź Niamieččyny.Ciapier ichnyja pareštki, razam z budaŭničym chłudam, pierakopvajuć ekskavatarami. Vierajemna pavierch hetaha rava paśla buduć katacca mašyny.
Nahadajem, što miesiac tamu hetyja mohiłki byli apahanienyja «nieviadomymi», akurat napiaredadni 65‑ch uhodkaŭ źniščeńnia mienskaha hieta. Tady ž była skradzienaja j memaryjalnaja tablica ŭ pamiać bremienskich habrejaŭ, źniščanych nacystami ŭ Miensku.
Taksama zaznačym, što try hady tamu, Tavarystva achovy pomnikaŭ vystupiła ź inicyjatyvaj ab uniasieńni hetych mohiłak u Śpis historyka-kulturnych kaštoŭnaściej. U Ministerstvie kultury heta rabić admovilisia.
