«Raniej było šmat šalonych, tannych kredytaŭ.My dakredytavalisia da taho, što daviałosia devalvavać nacyjanalnuju valutu. Ja nie chaču, kab heta paŭtaryłasia», — zajaviŭ Alaksandr Łukašenka 23 listapada padčas naviedvańnia AAT «Ivacevičdreŭ» (Bresckaja vobłaść), adkazvajučy na pytańnie maładoha rabotnika pradpryjemstva ab mahčymaściach dziaržpadtrymki pry budaŭnictvie žylla.
Isnuje lhotnaja čarha na žyllo, dzie pracentnyja staŭki pa kredytach značna nižejšyja, ale heta kładziecca dadatkovaj nahruzkaj na biudžet. «Heta značyć treba padatki ŭ kahości ŭziać. Voś u čym prablema», — zaznačyŭ jon. Pry hetym biełaruski kiraŭnik skazaŭ, što dziaržava i ŭ dalejšym budzie padtrymlivać asobnyja katehoryi hramadzian u pytańniach nabyćcia žylla, i asabliva heta tyčycca šmatdzietnych siemjaŭ.Jak paviedamlaje
pres-słužba kiraŭnika dziaržavy, Łukašenka rastłumačyŭ, što vysokija pracentnyja staŭki pa kredytach abumoŭleny tym, što banki taksama pad vysoki pracent pryciahvajuć hrošy nasielnictva i pradpryjemstvaŭ.
«Budzie bolš hrošaj — my bolš prafinansujem tych, chto naradžaje troch ci bolš dziaciej. Heta pierš za ŭsio», — zajaviŭ jon.
Kažučy ŭ cełym pra šlachi pavyšeńnia dabrabytu žycharoŭ Biełarusi, Łukašenka zrabiŭ akcent na raźvićci aryjentavanych na ekspart pradpryjemstvaŭ, zaviazanych na miascovuju syravinu: «Treba zarablać, bolš vyrablać i pradavać na ekspart».
0
0
0
0
0
0
