Afn.by paviedamlaje, što 26 krasavika samalota «Turkish Airlines», jaki ździajśniaŭ pieršy čarterny rejs pamiž Antalijaj i Mienskam, nie dazvolili pasadku ŭ biełaruskaj stalicy.
Bort byŭ vymušany byŭ sieści ŭ Maskvie. Pasažyraŭ paśla vieźli ŭ Minsk na aŭtobusach.
U svaju čarhu, pavodle źviestak Afn.by Turcyja admoviłasia prymać rejsy «Biełavija» pa pryncypie ŭzajemnaści.
27 krasavika samalot «Turkish Airlines» pavinien vylacieć ź Miensku ŭ Antaliju. Ci adbudziecca hety rejs – nieviadoma. U raskładzie ruchu samalotaŭ u letni pieryjad (z 24 krasavika da 27 kastryčnika), źmieščanym na sajcie kampanii «Biełavija», rejsaŭ «Miensk – Antalija –Miensk» niama.
Kanflikt pamiž avijakampanijami pačaŭsia ŭ červieni 2005 hodu. Avijacyjnaje viedamstva Turcyi va ŭltymatyŭnaj formie prapanavała Biełarusi ŭ terminovym paradku vydać dazvoł na čarternyja paloty z Antalii ŭ Miensk tureckaj kampanii «Turkish Airlines». U advarotnym vypadku, turecki bok prystrašvaŭ anulavać analahičny dazvoł dla «Biełavija».
Ciapier dypiałmatyčnyja viedamstvy dźviuch krainaŭ viaduć pieramovy.