Na MKAD aŭtamabil urezaŭsia ŭ mašynu DAI, jakaja afarmlała raniejšaje DTZ

Jak paviedamili ŭ DAI HUUS Minharvykankama, 27 listapada kala 19.40 na 44-m kiłamietry MKAD pamiž Daŭhinaŭskim traktam i vioskaj Zacień kiroŭca aŭtapojezda ź litoŭskimi numarami, ruchajučysia ŭ napramku praśpiekta Pieramožcaŭ, sutyknuŭsia z aŭtamabilem «Sitraen Ksara».

Lehkavy aŭtamabil paśla DTZ zastaŭsia ŭ 3-j pałasie, a fura źjechała.

Na miesca DTZ vyjechaŭ ekipaž supracoŭnikaŭ DPS DAI Centralnaha RUUS, jaki, kab paźbiehnuć nastupnych avaryj, paznačyŭ miesca zdareńnia patrulnym aŭto z uklučanymi probliskavymi majačkami za 40–50 mietraŭ z-za «Sitraenam».

U toj čas, kali inśpiektar DPS znachodziŭsia na prajeznaj častki i prystupiŭ da paznačeńnia miesca DTZ, jon pačuŭ viskat tarmazoŭ i ŭbačyŭ, jak «KIA» pieramiaščajecca z 3-j u 2-ju pałasu, kab paźbiehnuć sutyknieńnia z patrulnym aŭtamabilem.

Pry hetym «KIA» urezaŭsia jašče i ŭ «Falksvahien Pasat», jaki raskruciŭsia na prajeznaj častki, i ŭrezaŭsia ŭ patrulny aŭtamabil.

U vyniku DTZ nichto nie paciarpieŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH