Apošniaj kroplaj stałasia padatkovaja pravierka, jakaja naličyła hazecie 46 młn rubloŭ «niedapłačanych» padatkaŭ i štrafaŭ. VPUP «Marat», vydaviec «BDH», nibyta parušaŭ praviły śpisańnia makulatury. Ad 13 śniežnia «BDH. Diełovaja hazieta» budzie vychodzić nia dva razy na tydzień, jak ciapier, a štotydniova na 24 pałosach.
Jašče ŭviesnu 2003 h. hazeta vychodziła čatyry razy na tydni. Ale ŭ traŭni Alaksandar Łukašenka addaŭ zahad začynić hazetu. Z 29 traŭnia vychad hazety na try miesiacy prypyniaje Ministerstva infarmacyi. Z pačatku 2004 hodu «Biełsajuzdruk» i «Biełpošta» razryvajuć padpisanyja z hazetaj damovy na raspaŭsiud. Potym hazetu zahadali prybrać z bujnych kramaŭ u stalicy. Potym pajšli sudy.
Hałoŭny redaktar «BDH» Piatro Marcaŭ nie vyklučaje, što mahčymaje navat časovaje prypynieńnie vychadu vydańnia. Ale «pakul hazetu buduć čytać, my budziem jaje vydavać», — kaža P.Marcaŭ.
