U Biełarusi čynoŭniki nie majuć nijakich asablivych ilhot. Ab hetym siońnia žurnalistam u Minsku zajaviła namieśnik kiraŭnika Administracyi Prezidenta Respubliki Biełaruś Natalla Piatkievič.
Pavodle jaje słoŭ, u čas padrychtoŭki zakonaprajekta ab uparadkavańni lhot da razhladu ŭ Avalnaj zale niekatoryja pradstaŭniki hramadskich arhanizacyj vykazvali mierkavańnie, što ŭparadkoŭvać ilhoty čynoŭniki pavinny pierš za ŭsio ź siabie. «Z uviadzieńniem instytuta prezidenctva jašče ŭ 1994 hodzie ŭsio było admieniena. Siońnia ŭ čynoŭnikaŭ niama nijakich ilhot, śpiecabsłuhoŭvańnia», — skazała Natalla Piatkievič.
U pryvatnaści jana adznačyła, što čynoŭniki budujuć sabie žyllo na ahulnych padstavach i nie majuć prava na lhotnyja kredyty, kali nie adnosiacca da niejkaj katehoryi nasielnictva, jakaja maje na heta prava.
«Śpiekulacyja na hetaj temie zusim nie da miesca», — padkreśliła namieśnik kiraŭnika Administracyi prezidenta.