U sieradu pozna viečaram u Atenach skončyŭsia finał futbolnaj Lihi čempijonaŭ sezonu 2006/2007. Sioletni finał całkam dublavaŭ hałoŭny pajadynak Lihi dvuchhadovaj daŭniny – «Milan» suprać «Liverpulu». Tady anhielcy, prajhrajučy paśla pieršaha tajmu 0:3, zmahli ŭ druhoj pałovie hulni znajści siły adyhracca, a pa penalci ŭvohule pieramahčy.
«Milan» prahnuŭ revanšu, jakoha i dačakaŭsia. Na apošniaj chvilinie pieršaha tajmu milaniec Filipa Indzahi adkryŭ lik. Praktyčna ŭsia druhaja pałova prachodziła ŭ niaśpiešnym tempie. Kamandy čakali dziesiaci apošnich chvilinaŭ hulni.
Na 82‑j chvilinie Filipa Indzahi paśla bliskučaj kambinacyi i pasa brazylca Kaka padvoiŭ lik. «Liverpul» nie zdavaŭsia. I ŭžo praz šeść chvilinaŭ halandziec Kujt zrabiŭ pieravahu italjancaŭ minimalnaj. Kab paŭtaryć podźvih dvuchhadovaj daŭniny ŭ «Liverpula» paprostu nie chapiła času.
U składzie «Milanu» pieramožcam Lihi čempijonaŭ staŭ hruzin Kachaber Kaładze. Nivodzin biełarus hety turnir jašče nie vyjhravaŭ. Letaś «Arsenał» Alaksandra Hleba ŭ finale prajhraŭ hišpanskaj «Barselonie».
