U najbližejšy čas akcyi AAT «Biełatrakcyjon» buduć vystaŭleny na aŭkcyjon. Pra heta paviedamiŭ dyrektar UP «Haradskija parki Minskzielanbuda» Alaksandr Lisoŭski 30 maja na pres‑kanfierencyi ŭ Minharvykankamie. Pavodle jaho słoŭ, ciapier rychtujecca adpaviedny ŭkaz prezidenta.
A.Lisoŭski zaznačyŭ, što sioleta UP «Haradskija parki Minskzielanbuda» nie padpisali dahavor ab ekspłuatacyi ŭ parku imia Čeluskincaŭ papularnaha atrakcyjona «Supier‑8», jaki naležyć AAT «Biełatrakcyjon». Na dumku dyrektara, atrakcyjon, jakomu bolš za 34 hady, adpracavaŭ usie mahčymyja terminy słužby i absalutna znošany. Akramia taho, pa šumavych charaktarystykach jon užo nie ŭpisvajecca ŭ park. Pastupaje šmat skarhaŭ ad naviednikaŭ jak samoha parku, hetak i susiedniaha ź im Bataničnaha sada. Tamu składzieny hrafik demantažu hetaha atrakcyjona.
Pavodle słoŭ A.Lisoŭskaha, pretendenty na kuplu akcyj AAT «Biełatrakcyjon» prapanavali pastavić zamiest «Supier‑8» identyčnuju novuju horku. Jak padkreśliŭ dyrektar UP «Haradskija parki Minskzielanbuda», hałoŭnaj umovaj dla budučych inviestaraŭ budzie ŭstanoŭka absalutna novych atrakcyjonaŭ.
Taksama A.Lisoŭski zaznačyŭ, što bilety na atrakcyjony ŭ biełaruskich parkach u dva‑try razy tańniej, čym, naprykład, u Rasii.
