4 — 10 červienia Kalehium Uschodniaj Eŭropy ładzić čarhovy festyval biełaruskaj kultury
Festyval adbudziecca pry padtrymcy Rady ministraŭ Polščy, polskaha Ministestva kultury, vajavodzkich i haradzkich uładaŭ.
U prahramie muzyčnyja viečary — ad roku i bardaŭskich śpievaŭ da džazu i klasyki; litaraturnyja — paezija dy historyja; vystavy žyvapisu i prahlad dakumentalnych filmaŭ. Siarod haściej sioletniaha festyvalu — Aleś Razanaŭ, Lavon Barščeŭski, Andrej Chadanovič, Viktar Žybul, Ahneška Ramašeŭska‑Huzy, Taciana Biełanohaja, Indiga, Classic Avantgarde, Jazz Project Leon Gurvitch dy inšyja.
Na trecim festyvali, što adbyŭsia ŭ červieni minułaha hodu, prajšła prezentacyja «Našaj Nivy», pryśviečanaja stohadovamu jubileju vydańnia.
Kalehijum Uschodniaj Eŭropy zasnavany Janam Novakam‑Jeziaranskim u 2001‑m. Niaŭradavaja arhanizacyja, što maje na mecie naładžvańnie kantaktaŭ u sfery kultury pamiž krainami Siaredniaj i Ŭschodniaj Eŭropy.
