Samaj «zapatrabavanaj» dataj sioletniaha leta ŭ mienskich žanichoŭ i niaviest stanie 7 lipienia. U hety dzień u kožnym ZAHSie stalicy čakajuć kala 40 par maładažonaŭ. Chacia zvyčajna rehistrujuć nia bolš za 25. Potym «haračaja» časina nadydzie z 4 da 11 žniŭnia.
Darečy, samym papularnym dniom rehistracyi šlubaŭ zastajecca subota. Supracoŭniki ZAHSu Maskoŭskaha rajonu praviali ankietavańnie miž moładzi. Vyśvietliłasia, što tyja, dla kaho rehistracyja šlubu — dalokaja perspektyva, bolš lajalna staviacca da vybaru dnia tydnia i času ŭračystaj imprezy. Tyja ž, chto źbirajecca zarehistravać šlub najbližejšym časam, nia chočuć rehistravać jaho ŭ niadzielu, bo, kažuć, tak niazručna dla haściej.





