Bieraściejka Ała Hopša haftuje partrety viadomych ludziej. Anhielskaja karaleva Jelizavieta Druhaja padziakavała joj za partret, haftavany kryžykam. Na znak udziačnaści Jelizavieta Drunhaja vysłała Ale Hopšy jašče i pasyłku, jakaja, adnak, zhubiłasia pa darozie ŭ Polščy. Siońnia majstrycha piša list kanclercy FRH, kab pieradać u darunak svaju pracu.
Karciny kryžykam i hładździu Ała Hopša pačała haftavać u druhoj klasie. Z taho času bieraściejka nie pakidaje svajo zachapleńnie. Ścieny jejnaj kvatery ŭpryhožvajuć stvoranyja svaimi rukami partrery Maci Božaj, Eŭfrasińni Połackaj, pryncesy Dyjany.
Kožnuju pracu haftavalnica robić kala paŭhodu. Pavodle słovaŭ majstrychi, ciažej za ŭsio padabrać patrebnyja adcieńni. Na vyjavu tvaru na partrecie moža spatrebicca da saraka nitak roznych koleraŭ.
Kilim z vyjavaj tyhraŭ majstrysie dapamahali tkać dva syny. Zrešty, «tkactva» ŭ hetym vypadku — termin umoŭny: u pracesie stvareńnia kilima vykarystoŭvalisia čatyry roznyja techniki.
Bolšaść svaich partretaŭ Ała Hopša doryć tym, chto na ich vyjaŭleny. Poruč z karalevaj Vialikabrytanii pracu bieraściejki atrymała karaleva Hišpanii Safija. Ciapier Ała Hopša rychtujecca dasłać svaju apošniuju pracu — kanclercy FRH Anhiele Merkiel.
