U Miensku aktyvisty arhkamiteta pa stvareńni partyi «Biełaruskaja chryścijanskaja demakratyja» ŭstanavili raściažku na aŭtamabilnym moście pa praspekcie Mašerava.

12 červienia ŭ 17.00 u Minsku maładyja aktyvisty arhkamiteta pa stvareńni partyi «Biełaruskaja chryścijanskaja demakratyja» ŭstanavili raściažku na aŭtamabilnym moście pa praśpiekcie Pieramožcaŭ nad vulicaj Niamiha. Pra heta paviedamiŭ BiełaPAN pres‑sakratar arhkamiteta pa stvareńni partyi Dzianis Sadoŭski.

Pavodle jaho słoŭ, na zialonym pałotniščy pamieram prykładna 3x6 mietraŭ biełaj, čornaj i čyrvonaj farbami naniesieny tekst: «Ja maju prava na vieru», a taksama namalavany anioł, što razryvaje puty, jakimi skavaŭ jaho djabał. «Tym samym my chacieli pakazać ludziam, što my praciahvajem baraćbu za tyja pravy, jakija daŭ nam Haspodź Boh», — skazaŭ D.Sadoŭski. Jon zaznačyŭ, što pradstaŭniki pravaachoŭnych orhanaŭ nie bačyli momantu ŭstanoŭki raściažki i jana znachodzicca na moście dahetul.

Nahadajem, 22 krasavika ŭ Biełarusi pačałasia kampanija «Za svabodu sumleńnia», pa pramiežkavych vynikach jakoj sabrana bolš za 20 tys. podpisaŭ pad zvarotam u Kanstytucyjny sud ab uniasieńni źmianieńniaŭ u zakon «Ab svabodzie sumleńnia i relihijnych arhanizacyjach».

Marat Haravy, BiełaPAN

Клас
Панылы сорам
Ха-ха
Ого
Сумна
Абуральна