 |
U Minskaj vobłaści ŭviedziena zabarona na naviedvańnie hramadzianami lasoŭ i tarfianikaŭ. Adpaviednaje rašeńnie pryniata Minabłvykankamam. Vyklučeńnie zroblena dla śpiecyjalistaŭ, jakija ažyćciaŭlajuć achovu lasnych masivaŭ, praduchileńnie i likvidacyju pažaraŭ.
Jak paviedamiła karespandentu BIEŁTA pres‑sakratar Minskaha abłasnoha ŭpraŭleńnia MNS Nastaśsia Kleban, uviadzieńnie zabarony vyklikana suchim nadvorjem, pry jakim značna pavyšajecca vierahodnaść uźniknieńnia pažaraŭ.
Nievykanańnie pravił pažarnaj biaśpieki ŭ lasach i na tarfianikach abo parušeńnie zabarony na ich naviedvańnie pryvodzić da štrafu da 25 bazavych vieličyń. U vypadku ŭźniknieńnia pažaru vinavatyja mohuć być aštrafavany na 50 bazavych vieličyń. Akramia taho, ź ich buduć spahnany kampiensacyja za naniesieny ahniom uron i raschody na jaho tušeńnie.
Z pačatku biahučaha hoda na tarfianikach u Minskaj vobłaści adbyłosia 186 uzharańniaŭ. Asnoŭnaja pryčyna — nieaściarožnaje abychodžańnie z ahniom. Kolkaść pažaraŭ pavialičvajecca ŭ vychadnyja dni, kali hramadzianie vyjazdžajuć na adpačynak. Nastaśsia Kleban adznačyła, što 30 pracentaŭ uzharańniaŭ adbyvajecca ŭ Minskim rajonie.
Na staličnuju vobłaść prypadaje 40 pracentaŭ tarfianikaŭ i 19 pracentaŭ lasoŭ respubliki.
