Dałučycca da jaje žycharoŭ horada i vobłaści zaklikaje ruch «Za svabodu».
Ruch nakiravaŭ usim deputatam Hrodzienskaha haradskoha i Hrodzienskaha abłasnoha savietaŭ deputataŭ infarmacyju ab źniščeńni histaryčnaj častki Hrodna, pazicyju i prapanovy pa vypraŭleńni situacyi, ahučanuju viadomymi asobami, a taksama rezalucyju adkrytaha kruhłaha stała hramadskaści «Kamu vyhodna rujnavać Harodniu?», jaki adbyŭsia 21 červienia ŭ Hrodna i ŭ jakim uziali ŭdzieł kala 50 historykaŭ, architektaraŭ, krajaznaŭcaŭ, vykładčykaŭ VNU.
«Ruchaŭcy» prapanoŭvajuć usim achvotnym dasyłać zapyty na imia deputataŭ Haradzienskich har‑ dy abłsavietaŭ z patrabavańniem dać tłumačeńni što da razbureńnia histaryčnaj častki Hrodna i terminova ŭmiašacca ŭ dziejańni haradskich uładaŭ.
«Vy možacie naŭprost zapytać: jakija dziejańni płanuje ŭłada na maim padvorku, na majoj vulicy, u maim mikrarajonie? Čynoŭniki, deputaty abaviazany adkazać na hety zapyt. Nieadkaz možna asprečyć u sudzie. I navat ŭ samym horšym vypadku, tak zvany narodny abrańnik pavinien budzie ŭzhadać, što jon pastaŭleny va ŭładu dla taho, kab pilnavać intaresy hrodziencaŭ», — źviartajecca da žycharoŭ Hrodna i Hrodzienskaj vobłaści ruch «Za svabodu».
