 |
Kožny hod pieršaja piatnica i subota lipienia źbirajuć u maryjnym sanktuaryi ŭ Trakielach tysiačy viernikaŭ. Z roznych kutkoŭ Hrodzienskaj dyjacezii iduć siudy pilihrymki: z Hrodna, Vaŭkavyska, Ašmianaŭ, Smarhoni, Iŭja, bližejšaj Lidy i inšych miescaŭ.
Sanktuaryj prymaje pilihrymaŭ na praciahu ŭsiaho hoda. Asabliva pryjemnaj źjaŭlajecca prysutnaść dziaciej, jakija prystupili da pieršaj śviatoj Kamunii, a taksama moładzi, što niadaŭna pryniała sakrament kanfirmacyi.
Kaścioł pad tytułam Adviedzinaŭ Najśviaciejšaj Panny Maryi byŭ zasnavany ŭ Trakielach u 1500 h. vilenskim vajavodaju Marcinam Haštoldam. Pieršy draŭlany kaścioł pabudavany u 1680 h. Cudatvorny abraz Maci Božaj ź Dziciatkam, jaki i siońnia znachodzicca ŭ hałoŭnym ałtary śviatyni, pavodle padańnia byŭ namalavany ŭ kancy XV st. i ŭ 1595 h. pryviezieny ź Vilni. Paźniej abraz byŭ dapoŭnieny vyjavaj sv. Kazimira, jaki klenčyć na malitvie. Paśla pažaru u 1782 h. abraz zastaŭsia niepaškodžanym. Šmatlikija cudy, što adbylisia pierad hetym abrazom — acaleńnie ad chvarobaŭ, vyzvaleńnie ad ałkahalizmu, dapamoha ŭ ciažkich spravach — natujucca z XVIII st. Jany adbyvajucca i sieńnia — vierniki kala ałtara pakidajuć śviedčańni pra ich, zapisanyja na listkach papiery.
Z 1994 h. kaścioł u Trakielach maje status dyjacezijalnaha sanktuaryja Maci Božaj (adpust — 1‑ia subota lipienia).
***
Prahrama ŭračystaściaŭ u Trakielach 6—7 lipienia 2007 h.
6 lipienia
21.00 Maryjny apel. Dakład «Paŭsiudnaje paklikańnie da śviataści: jak stać śviatym sieńnia»
22.15 Vystaŭleńnie Najśviaciejšaha Sakramentu i adaracyja.
23.30 Błahasłaŭleńnie Najśviaciejšym Sakramentam
7 lipienia
0.00 Śviataja Imša i pracesija z abrazom Maci Božaj Trakielskaj
02.00 Śviedčańni pastyrskich hrupaŭ. Muzyčnaja pastanoŭka
04.00 Śviaty ružaniec (radasnaja častka)
04.30 Vystupleńnie ansambla «AVE» (VDS u Hrodnie)
05.30 Vianočak da Božaj Miłasernaści
06.00 Hadzinki na ŭšanavańnie Biezzahannaha Začaćcia NPM
07.00 Śviaty ružaniec (balesnaja častka)
07.30 Śviataja Imša (celebrujuć novapreźbitery)
08.30 Vystupleńnie muzyčnaha kalektyvu «Čyrvonyja maki» (Minsk)
10.00 Śviataja Imša. Uračystaje błahasłaŭleńnie.
