Собака Крым ждет на руинах дома в украинском городе Днепр, под которыми лежат его убитые хозяева. Фото Государственной службы чрезвычайных ситуаций Украины

Адзін чалавек 
так баяўся смерці,
што рашыў прыхапіць з сабой
мільёны людзей, 
і сярод тых мільёнаў
аказаліся мы з табой.

Мы жылі і кахалі,
і раптам — глядзі! — 
у агні нязгасным гарым.

І пакуль дагараем,
побач з агнём
вые сабака Крым.

Мы жылі і кахалі,
людзі наўкол
заводзілі добрых сабак.

А адзін чалавек вар'яцеў, і ты
мне казаў: то нядобры знак.

А далёка на поўдні
дзеці расьлі, 
а цяпер па-над поўднем дым.

І няма дзяцей, і па душах іх
вые сабака Крым.

Дагарай жа, каханы,
побач са мной,
дзе ж яшчэ табе дагараць?

І пакуль тваё цела гарыць,
я табе раскажу
пра Хельмаву падзь,
пра тое, як я
перастала маліцца…
перастала маліцца зусім,
бо малітвы няма
мацнейшай за тое,
як вые сабака Крым.

Адзін чалавек 
так баяўся смерці,
што рашыў прыхапіць з сабой
мільёны людзей,
але Час пераможа,
і вар'ят прайграе двубой.

Дагарацьма, каханы,
мы на баку
Часу й вольных Радзім,
на руінах якіх так невыносна
вые сабака Крым…

Клас
Панылы сорам
Ха-ха
Ого
Сумна
Абуральна

Хочешь поделиться важной информацией анонимно и конфиденциально?

0
Аноним / Ответить
02.10.2022
ну чаму Ананімны?
гэта мой Мад.
я адразу пазнала яго
але імя яго канечне не ведаю
ну вы ж не казаў)

Чтобы оставить комментарий, пожалуйста, активируйте JavaScript в настройках своего браузера