У лісце яны патрабуюць ад беларускіх уладаў: «неадкладнага вызвалення Уладзіслава Баўмгертнера, а таксама ўсіх палітвязняў, усіх вязняў, несправядліва асуджаных і тых, што сядзяць у беларускіх турмах за эканамічныя злачынствы па сфабрыкаванай крымінальнай справах».
Падпісанты выступаюць супраць палітычнай гандлю людзьмі, як па эканамічных, так і па палітычных прычынах і задаюцца пытаннямі: «Чаму выкарыстоўваўся падман на вышэйшым дзяржаўным узроўні? Чаму беларускія ўлады пайшлі на тое, каб прывабіць Баўмгертнера у краіну для правядзення афіцыйных перамоваў, а замест гэтага арыштавалі яго і прад’явілі абвінавачванне, фактычна зрабіўшы сваім закладнікам?
З якой нагоды пасля захопу Баўмгертнера беларускія ўлады вылучаюць істотныя маёмасныя прэтэнзіі да Расіі, а таксама фактычна патрабуюць змяніць уласніка найбуйнейшай расійскай кампаніі?»..
Яны заклікаюць расійскую грамадскасць, калег і сям'ю Уладзіслава Баўмгертнера падтрымаць іх патрабаванні да Лукашэнкі.
Міхалевіч, Карач і Марозаў зараз часова пражываюць па-за межамі Беларусі.
***
Кіраўніка «Уралкалія» Уладзіслава Баўмгертнера затрымалі 26 жніўня ў мінскім аэрапорце пасля сустрэчы з прэм’ерам Міхаілам Мясніковічам.
Следчы камітэт Беларусі заявіў, што гендырэктар «Уралкалія» нанёс шкоду нацыянальным інтарэсам Беларусі. Баўмгертнеру выстаўленае абвінавачанне ва злоўжыванні ўладай і службовымі паўнамоцтвамі. Яму пагражае да 10 гадоў пазбаўлення волі з канфіскацыяй маёмасці. Следчы камітэт паведаміў, што страты па справе Беларускай калійнай кампаніі ацэньваюцца на 100 млн даляраў. Баўмгертнер знаходзіцца ў следчым ізалятары КДБ.