Францыя, Германія, Катар, Саудаўская Аравія, Турцыя, Вялікабрытанія і ЗША занепакоеныя дзеяннямі Расіі ў Сірыі, якія, як сцвярджаюць краіны, накіраваныя на апазіцыю і мірных грамадзян, а не на тэрарыстычную арганізацыю «Ісламская дзяржава».
Пра гэта гаворыцца ў паведамленні, якое апублікавала МЗС Турцыі ў пятніцу, 2 кастрычніка.
«Мы выказваем глыбокую занепакоенасць у сувязі з умацаваннем расійскіх вайсковых сіл у Сірыі і асабліва ў сувязі з нападамі расійскіх ВПС на Хаму, Хомс і з учорашняга дня на Ідліб, якія прывялі да ахвяраў сярод мірных жыхароў і не былі накіраваныя супраць «Ісламскай дзяржавы»», — гаворыцца ў паведамленні.
Прадстаўнікі краін адзначылі, што такія ваенныя дзеянні Расеі ў Сірыі пагражаюць далейшай эскалацыяй і могуць спрыяць большаму экстрэмізму і радыкалізацыі.
«Мы заклікаем Расійскую Федэрацыю неадкладна спыніць свае атакі на сірыйскую апазіцыю і мірных грамадзян і засяродзіць свае сілы на барацьбе з «Ісламскай дзяржавай»», — напісана ў звароце.