Макс Корж анансаваў новы канцэрт. Ён мае прайсці ў Празе
Пасля працяглага маўчання ў сацсетках Макс Корж анансаваў новы канцэрт за межамі Беларусі — гэтым разам у чэшскай сталіцы Празе. Ён мае прайсці 22 чэрвеня.
Перад гэтым апошні канцэрт Макса Каржа адбыўся 2 верасня 2023 года ў Рызе. Там гледачы скандавалі «Не вайне!», а сам выканаўца папрасіў «не забываць, што беларусы нармальныя».
Пасля нападу Расіі на Украіну Макс Корж неаднаразова выказваўся супраць вайны, запісаў нават дзве антываенныя песні. Праз гэта ён фактычна адмовіўся ад магчымасці выступаць у Расіі і адмяніў ці перанёс запланаваныя там канцэрты. У Беларусі яго таксама ўнеслі ў «чорны спіс».
Чытайце таксама:
Махляры дураць беларусаў, абяцаючы ім канцэрты Макса Каржа
Макс Корж: «Не забывайце: беларусы нармальныя»
«З'явілася куча праўдаў». Макс Корж запісаў маналог — вось пра што ён
«Не сосчитать уж тут в пакетах тел». Макс Корж прэзентаваў новую песню
