Asnoŭnyja mierapryjemstvy, prymierkavanyja da śviatkavańnia
U abmierkavańni farmatu mierapryjemstva ŭdzielničali pradstaŭniki Partyi BNF, Abjadnanaj hramadzianskaj partyi, ruchu «Za Svabodu», kampanii «Jeŭrapiejskaja Biełaruś», arhkamiteta pa stvareńni partyj «Biełaruskaja chryścijanskaja demakratyja» i «Biełaruskaha ruchu», ruchu salidarnaści «Razam», abjadnańnia mastakoŭ «Pahonia».
Jak paviedamiŭ staršynia Partyi BNF Alaksiej Janukievič, na pasiadžeńni arhkamiteta było pryniata rašeńnie padać zajaŭku
na praviadzieńnie vuličnaha šeścia ad placoŭki kala Bataničnaha sada da parku Družby Narodaŭ, dzie arhanizavać mitynh.Padać zajaŭku płanujecca na nastupnym tydni, čakajecca, što jaje padpišuć pradstaŭniki Partyi BNF, AHP, BCHD i «Za Svabodu». Šeście budzie pačynacca nie ad Akademii navuk, bo tam ciapier adbyvajucca ramontnyja raboty.
Akramia taho, užo padadziena zajaŭka na arendu pamiaškańnia ŭ Pałacy kultury traktarnaha zavoda, dzie płanujecca pravieści 24 sakavika ŭ 17 hadzin uračystaje mierapryjemstva.22 sakavika ŭ ofisie Partyi BNF «Pahonia» płanuje adkryć vystavu.
Pavodle słoŭ Janukieviča, asnoŭnymi temami vuličnaha i śviatočnaha mierapryjemstva stanuć abarona niezaležnaści i vyzvaleńnie palitviaźniaŭ.
Arhkamitet taksama pryniaŭ rašeńnie padrychtavać «šyroki zvarot», u jakim prapanavać znakavym fihuram, palityčnym lidaram i hramadstvu dałučycca da śviatkavańnia
