Jak paviedamili ŭ Nacbanku, źnižeńnie asnoŭnaj staŭki centralnaha banka krainy pravodzicca ŭ adpaviednaści z Asnoŭnymi kirunkami hrašova‑kredytnaj palityki Respubliki Biełaruś na 2007 hod. Hetamu spryjaje nievysoki ŭzrovień inflacyi: za pieršaje paŭhodździe hetaha hoda pryrost indeksa spažyvieckich cen skłaŭ 3,6%, abo 0,6% u siarednim za miesiac.
U hałoŭnym banku krainy zaznačajuć, što źmianšeńnie staŭki refinansavańnia skiravana, najpierš, na dalejšaje źnižeńnie koštu kredytaŭ bankaŭ dla nasielnictva i pradpryjemstvaŭ. Razam z tym u bankach zachoŭvajecca značnaja pryvabnaść umoŭ układaŭ u nacyjanalnaj valucie ŭ paraŭnańni z umovami ich zachoŭvańnia ŭ zamiežnaj valucie. Pry hetym uzrovień dachodnaści terminovych układaŭ pieravysić tempy inflacyi, padkreślivajuć u hałoŭnym banku krainy.
Asnoŭnyja kirunki hrašova‑kredytnaj palityki Biełarusi na 2007 hod praduhledžvajuć hadavuju inflacyju na ŭzroŭni 6‑8%, staŭku refinansavańnia da kanca hoda — 7‑9% hadavych, staŭki pa znoŭ vydanych bankami kredytach — 10‑12% hadavych.
