U Minsku ŭ bližejšyja hady moža adznačacca deficyt pracoŭnych resursaŭ. Ab hetym karespandentu BIEŁTA paviedamiŭ namieśnik načalnika kamiteta pa pracy, zaniataści i sacyjalnaj abaronie Minharvykankama — načalnik upraŭleńnia zaniataści nasielnictva Časłaŭ Roŭba.
Jon rastłumačyŭ, što na kolkaści zaniatych u ekanomicy stalicy admoŭna moža adbicca nizki ŭzrovień naradžalnaści 1990‑ch hadoŭ.
Pavodle danych subiasiednika, kolkaść zaniataha nasielnictva ŭ ekanomicy Minska ŭ 2007 hodzie praduhledžana pavialičyć na 22 tys. da 1 młn. 17 tys. čałaviek. Za siem miesiacaŭ biahučaha hoda hety pakazčyk skłaŭ 1 młn. 9 tys. «Da kanca hoda kolkaść pracoŭnych resursaŭ nieabchodna papoŭnić na 8 tys. čałaviek. Adnak siońnia tempy krychu zamarudžany. Z‑za demahrafičnaj situacyi ŭ bližejšy čas papaŭnieńnie pracoŭnych resursaŭ budzie prablematyčnym», — kanstatavaŭ śpiecyjalist.
Pavodle jaho acenki, najbolš vostra ŭ stalicy adznačajecca popyt na rabočuju siłu. Štomiesiac u siarednim prykładna 2 tys. pradpryjemstvaŭ pradastaŭlajuć u słužbu zaniataści źviestki ab najaŭnaści svabodnych vakansij. Ciapier u bazie danych naličvajecca amal 25 tys. vakansij, ź ich 19 tys. — pa rabočych śpiecyjalnaściach. Pry hetym 25 pracentaŭ vakansij — pa budaŭničych śpiecyjalnaściach.
Dla vyrašeńnia prablemy ŭpraŭleńnie zaniataści nasielnictva raspracavała kompleks mier. U pryvatnaści, dla akazańnia dapamohi pradpryjemstvam pa kamplektavańniu kadraŭ 20 vieraśnia ŭ Pałacy kultury i sportu čyhunačnikaŭ płanujecca pravieści haradski kirmaš vakansij. U dalejšym takija kirmašy namiečana pravodzić štokvartalna.
Charaktaryzujučy stan rynku pracy Minska ŭ cełym, Časłaŭ Roŭba paviedamiŭ, što ŭzrovień rehistrujemaha biespracoŭja ŭ hetym hodzie pry zadańni 0,6 pracenta zachoŭvajecca ŭ miežach 0,4 pracenta da kolkaści ekanamična aktyŭnaha nasielnictva. Pracent pracaŭładkavańnia ŭsich majučych patrebu składaje 41 pracent. Siaredniaja praciahłaść biespracoŭja — 3,2 miesiacy. Uzrovień zaniatych pracoŭnych resursaŭ składaje 77 pracentaŭ.
