U Minsku źjavicca mikrarajon «Mahistr» i vulica Kaladnaja 4

Minharsaviet zachavaŭ nazvu MKAD i daŭ nazvu novamu mikrarajonu stalicy — Mahistr. Takoje rašeńnie pryniata siońnia na 24-j siesii Minskaha haradskoha Savieta deputataŭ.

Jak adznačyła načalnik upraŭleńnia kultury Minharvykankama Vitalina Rudzikava, pastanovaj Savieta Ministraŭ aŭtamabilnaja daroha M-9 vakoł Minska była pieradadziena ŭ kamunalnuju ŭłasnaść sa statusam mahistralnaj vulicy bieśpierapynnaha ruchu. Zaraz heta elemient vuličnaj sietki. Kamisija razhledzieła roznyja prapanovy nazvy hetaj darohi i vyrašyła zachavać raniejšuju, usim zvykłuju. Takim čynam, MKAD atrymlivaje nazvu vulica Minskaja kalcavaja aŭtamabilnaja daroha.

Prajektavany rajon u miežach vuł. Niezaležnaści, MKAD, vuł. F.Skaryny, prajezdu pierad lesaparkavaj zonaj budzie nazyvacca mikrarajon Mahistr. Tut buduć pabudavanyja damy dla navukovaj i tvorčaj intelihiencyi.

Z ulikam mierkavańnia haradžan prajektavanaja vulica № 1 u miežach vuł. Viaśnianka, zavułka Viaśnianka, praśpiekta Pieramožcaŭ nazvanaja vulicaj Vierbnaj, a prajektavanaja vulica № 1 u miežach vuł. Mikałajeŭskaja, vuł. Zacań — vulicaj Kaladnaja.

«Hetyja vulicy źjaviacca ŭ najpryhažejšym rajonie stalicy, ich najmieńnie nie supiarečyć užo najaŭnym nazvaŭ vulicaŭ, miłahučnych na ruskaj i biełaruskaj movach», — skazała Vitalina Rudzikava.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH