Impart lehkavych aŭtamabilaŭ pavialičyŭsia na 45%, ale jany bolš tannyja 1

U studzieni-mai 2013 hoda ŭ Biełaruś było impartavana 40,9 tys. lehkavych aŭtamabilaŭ, što amal na 45% bolš u paraŭnańni z anałahičnym letašnim pieryjadam, śviedčać statdanyja.

U koštavym vyražeńni abjom impartu lehkavych aŭtamabilaŭ skłaŭ 440,3 młn. dołaraŭ (rost na 38,1% u paraŭnańni sa studzieniem-majem 2012 hoda).

Pry hetym siaredniaja cana impartavanych lehkavych aŭtamabilaŭ źniziłasia. Kali ŭ studzieni-mai 2012 hoda siaredniaja cana impartavanaj mašyny składała 11.285 dalaraŭ, to ŭ anałahičny pieryjad hetaha hoda — 10.761 dalar.

Udzielniki rynku kanstatujuć, što na ŭnutranym rynku stali karystacca popytam aŭtamabili rasijskaj zborki, i heta pryviało da źnižeńnia siaredniaj cany adzinki impartu.

«Zaraz nazirajecca pieraraźmierkavańnie pieravahaŭ pakupnikoŭ, jakija pierachodziać z bolš darahich kłasaŭ aŭtamabilaŭ na bolš tannyja.

Unutrany rynak napaŭniajecca aŭtamabilami rasijskaj zborki, i ich košt nižejšy», — paviedamiŭ brend-mieniedžar mižnarodnaha aŭtamabilnaha chołdynhu «Atłant-M» Ilja Procharaŭ.

Pavodle jaho słoŭ, sioleta aŭtamabili rasijskaj zborki zakuplajuć dziaržarhanizacyi. Što da nasielnictva, to fizasoby, dachody jakich za apošni hod uzraśli, chočuć kuplać novyja aŭtamabili, tamu i vybirajuć mašyny rasijskaj zborki.

«Z-za źmianieńnia mytnych pošlin adbyłasia pierabudova ŭ śviadomaści aŭtaamataraŭ. Ludzi siońnia addajuć pieravahu niachaj pa kłasie nižejšamu, ale novamu aŭtamabilu, jaki zadavalniaje ich patrebnaści, a nie inšamarcy, jakaja była va ŭžyvańni», — zaznačyŭ Procharaŭ.

Značny rost impartu lehkavych aŭtamabilaŭ udzielniki rynku źviazvajuć taksama z adkładzienym popytam, jaki realizavaŭsia sioleta. U 2012 hodzie z-za admieny lhotaŭ pa PDK pry ŭvozie i realizacyi aŭtamabilaŭ aŭtadylery vymušany byli padniać ceny, što pryviało da źnižeńnia prodažu lehkavych aŭtamabilaŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH