Alaksandra vystupaje pierad małymi płyŭcami.
Biełaruskaja płyŭčycha Alaksandra Hierasimienia pryniała ŭdzieł va ŭračystym adkryćci25-mietrovaha basiejna ŭ Bychavie, a taksama vystupiła hościaj na kruhłym stale, pryśviečanym Dniu Biełaruskaha piśmienstva.
Adkazvajučy na pytańnie ab litaraturnych zacikaŭlenaściach, dvuchrazovaja siarebranaja miedalistka Łondana pryznałasia, što zachaplajecca Vasilom Bykavym.
«Z sučasnych biełaruskich piśmieńnikaŭ lublu Natallu Batrakovu. Pračytała ŭsie jaje knihi i ź nieciarpieńniem čakaju nastupnych. Hanarusia znajomstvam.
Hetak ža, jak i z Hienadziem Mikałajevičam Buraŭkinym. Heta vielmi sumlenny i dobry čałaviek znosiny ź jakim dajuć mnie vielmi mnohaje. Jon litaralna zakachaŭ mianie ŭ Vasila Bykava.
Niadaŭna pieračytała «Abielisk». Mnie zdajecca, hetaja vajennaja apovieść Bykava vielmi sučasnaja i aktualnaja. Jana pra sapraŭdnaha mužčynu, jaki, nie zadumvajučysia, addaŭ žyćcio za svaich vučniaŭ, za tych, kaho vučyŭ dobramu i viečnaha.
Heta kniha pra vybar, pra pieramohu abaviazku i honaru nad ułasnym stracham, pra toje, što čałaviečaja sutnaść u luby čas zastajecca adnolkavaj.
Bykaŭ zaŭsiody stavić svaich hierojaŭ u ekstremalnyja abstaviny i, čytajučy jaho,raz-poraz pytaješsia ŭ siabie: jak ty pastupiŭ by na ich miescy…
0
0
0
0
0
0
