Žurnalisty «Minskoho kuŕjera» pahutaryli z zahadčycaj łabaratoryi raźviadzieńnia i vyroščvańnia kaštoŭnych vidaŭ ryb Instytuta rybnaj haspadarki RUP «Navukova-praktyčny centr Nacyjanalnaj akademii navuk Biełarusi pa žyviołahadoŭli» Śviatłanaj Dakučajevaj.
- Śviatłana Ivanaŭna, nad čym pracujuć u vašaj łabaratoryi?
- U hetym hodzie zaviaršajem raspracoŭku technałohii farmavańnia i ekspłuatacyi ikranoha statka ścierladzi. Dziakujučy hetamu my zmožam atrymlivać čornuju ikru ŭłasnaj vytvorčaści. Jaje cana budzie minimum u dva razy nižejšaja za impartnuju.
Nastupny abjekt našaj uvahi - lenski asietr. Kab jaho vyroščvać, my vymušanyja zakuplać maładniak, tamu kančatkovy pradukt kaštuje davoli doraha i nie vielmi dastupny dla nasielnictva. Kali budziem sami vyvodzić patomstva hetaha vidu, jaho sabiekošt stanie značna nižejšy.
- Jakija pierśpiektyvy rybavodstva ŭ našaj krainie, i ci vyhadny heta biznes?
- U 2012 hodzie ŭ respublicy vyraścili 17,6 tys. t tavarnaj ryby, ź ich kaštoŭnych vidaŭ - 228,9 t, u tym liku łasosievych - 71,8 t, asiatrovych - 97,5 t, somavych - 59,6 t.
Sabiekošt vyroščvańnia, naprykład, jeŭrapiejskaha soma ŭ sažałkach składaje 13-15 tys. rubloŭ na kiłahram, stronhi - 50-60 tys., asiatra ŭ basiejnach - 55-60 tys. Siarod asiatrovych najbolš vyhadna vyroščvać viasłanosa, bo jamu nie patrebny kambikorm. Sabiekošt ryby - nie bolš za 20 tys. rubloŭ za kiłahram. Jaho aktyŭnaje raźviadzieńnie daść mahčymaść značna źnizić roźničnuju canu i zrabić dalikatesnuju rybnuju pradukcyju bolš dastupnaj dla spažyŭca Biełarusi.
Taksama pierśpiektyŭna ŭvodzić u vadajomy rybhasaŭ bufała, sudaka, soma, sihavych ryb, biestara (hibryd białuhi i asiatra).
Raspracoŭki navukoŭcaŭ buduć bolš zapatrabavanymi i efiektyŭnymi, kali vytvorčaść pastavić pierad instytutami kankretnyja zadačy. Viadoma, za 2 hady pravieści značnyja daśledavańni składana. Bo, naprykład, asiatrovyja ryby śpiejuć va ŭzroście 8-15 hadoŭ. Tamu było b niadrenna sfarmavać doŭhaterminovyja prahramy pa asobnych kirunkach.
Vyroščvańnie kaštoŭnych vidaŭ - sprava vyhadnaja, bo maje ekspartny patencyjał, i, kali my znojdziem šlachi, kab pamienšyć ich sabiekošt, cana dalikatesnaj ryby značna źnizicca i popyt na jaje budzie vielmi vysoki.
