Vandały razburyli aharodžu pomnika i paškodzili sam miemaryjał u Kurancy Vilejskaha rajona – adarvali plitu i raźbili asnovu, na jakoj jana stajała.
Vyśvietliłasia, što zrabiła heta kampanija z troch chłapcoŭ – 13, 14 i 15 hadoŭ. Tak jany zabaŭlalisia viečaram 29 i 30 kastryčnika.
Adzin ź ich vučycca ŭ Kuranieckaj škole, dvoje druhich – u Vilejskim prafiesijna-techničnym kaledžy.
«Čamu jany heta zrabili i navošta, patłumačyć nie zmahli, – kaža namieśnik načalnika RAUS, načalnik milicyi hramadskaj biaśpieki Andrej Dudarčyk. – Kryminalnuju spravu zavodzić nie budziem, bo chulihany niepaŭnahadovyja. Adnak staić pytańnie ab pryciahnieńni da administracyjnaj adkaznaści ich baćkoŭ i pastanoŭki padletkaŭ na ŭlik».
Usie žyvuć u narmalnych siemjach i da adkaznaści raniej nie pryciahvalisia.
Mahiła achviar fašyzmu na paŭnočnaj uskrainie vioski Kuraniec. Tut pachavany 1040 mirnych žycharoŭ, rasstralanych i spalenych niamiecka-fašysckimi karnikami 9 vieraśnia 1942 hoda. U 1955 hodzie na mahile ŭstalavany abielisk. U 2003 pabudavany novy pomnik na srodki jaŭrejeŭ ź Izraila.