Starejšy syn ministra zamiežnych spravaŭ Uładzimira Makieja Vital uładkavaŭsia na pracu ŭ Ńju-Jorku. Jon zajmaje pasadu daradcy pa ekanamičnych i ekałahičnych pytańniach u pradstaŭnictvie Biełarusi.
Zarobak na hetaj pasadzie nie ahučvajecca. Ale pra jaho možna skłaści ŭjaŭleńnie, paraŭnaŭšy z zarobkam dypłamata vyšejšaha ranhu — pasła. Pavodle pastanovy Savieta ministraŭ,
zarobak biełaruskaha ambasadara ŭ hetaj krainie musić składać 3400 jeŭra (kala $4600).
Žonka supracoŭnika dypłamatyčnaj misii moža pretendavać na dadatkovyja 20% ad zarobku muža, kali nie maje pracy.
Raniej Vital Makiej pracavaŭ u MZS pieršym sakratarom biełaruskaha pasolstva ŭ Aŭstryi.
Vital - syn Uładzimira Makieja ad pieršaj žonki. Druhim šlubam ministr zamiežnych spraŭ pabraŭsia ź śpiavačkaj i aktrysaj Vieraj Palakovaj.
