Na mitynhu Partyi rehijonaŭ u Kijevie na scenie vystupiŭ biełaruski hurt «Pieśniary», jaki vykanaŭ «Biełaviežskuju pušču» i «Kasiŭ Jaś kaniušynu».
Ab jakim mienavita składzie kalektyvu (paśla śmierci Uładzimira Mulavina ich paŭstała niekalki štuk) idzie havorka, nieviadoma.
Jak paviedamlajuć vidavočcy ŭ sacyjalnych sietkach, paśla vystupleńnia biełarusaŭ viadučy čamuści prapanavaŭ udzielnikam skandavać imia rasijskaha prezidenta. U adkaz natoŭp staŭ kryčać «Pucin! Pucin!», paviedamlaje Chartyja'97.
Razam z tym šerah ukrainskich vykanaŭcaŭ admoviŭsia vystupać na hetym mitynhu-Antymajdanie navat za dobryja hanarary, a siońnia viečaram, a 21-j, na sapraŭdnym Majdanie Niezaležnaści vystupić «Okiean Jelzi», tudy paklikali pasłuchać sapraŭdnuju muzyku i pradstaŭnikoŭ Partyi rehijonaŭ.