Karabiel Vajenna-marskich siłaŭ ukrainskaha vojska pieraadoleŭ Suecki kanał i praź Mižziemnaje mora kirujecca da Basfora.
Jak paviedamlaje UNIAN, «Hietman Sahajdačny» vykonvaŭ zadačy ŭ ramkach apieracyi NATO pa baraćbie ź piractvam na mory «Akijanski ščyt» i apieracyi Jeŭrasajuza «EU Navfor Atalanta». U suviazi z padziejami va Ukrainie frehat terminova viartajecca na radzimu.
Miarkujecca, što ŭ Sievastopali frehat źjavicca ŭ pieršyja dni sakavika. U kamandavańni ŭkrainskaha fłotu vysoka aceńvajuć dziejańni ekipaža i padraździaleńnia śpiecpryznačeńnia ŭ zhadanych apieracyjach NATO i ES.
Nahadajem, učora praz Basfor u Čornaje mora ŭvajšli dva vialikija desantnyja karabli Bałtyjskaha fłota Rasii. U hety čas u Krymie vielmi napružanaja situacyja. Prarasijskija siły pravodziać vuličnyja akcyi, vyviešvajuć rasijskija ściahi nad budynkami miascovych administracyj. Unačy 27 lutaha ŭzbrojeny atrad zachapiŭ krymski parłamient, uzbrojenyja bajeviki vystavili błokpasty na darohach u Krym.